العودة الى الصفحة الرئيسية

الخميس، 25 مارس 2010

فوازيرعن النباتات

* فوازير عن النباتات تم تأليفها أثناء العمل بتدريس التربية الزراعية ، وكانت تستخدم كوسيلة لعرض المعلومات عن النباتات بأسلوب خاص وكانت بداية لتأليف كتاب فوازيرنباتية ، وكتاب حواديت نباتية ، و كتاب أمثال وأقوال زراعية ...
فزورة عن الباذنجان
أنا صريحة واقول الحق ...الأبيض ابيض ... والأسود اسود .
وابقى وحشة ... لما ازرق .
ويقولوا عن طبعي دا جنان ... عشان ما بعرفش الألوان .
وارد اقول ... لأ طبعا لأ .
اما الحقيقة ان جيت للحـــــــــق .. انا لو ماقولش الآه واللأ ..
انا عقلي يتجنن ويطأ .
**********
* فزورة عن الجميز *
رسالة با قولها ... لكل البني آدمين .
من شجرة عليها ... نقوش السنين.
فاكرين لما كنتوا ... لسه صغيرين ... ؟
واضمكوا بظلي ... وتبقوا فرحانين . ؟
وتاكلو من ثماري ... وتقولوا عليها تين . ؟
ياريت تكــــــــــــــــونوا فاكـــــــــــــــــــــــــــريــــــــــــــــن .
**********
* فزورة عن نبات الصبر *

حواديت نباتية

مقدمة مقترحة لطرائف عن النباتات
*********** *
* حواديت نباتية *
اسمعوا ياولاد يابناويت ياكبار يا صغار يا كتاكيت حواديت ولا كل الحواديت
طيط طيط طيط طيط
**********
حواديت كلها شخصيات نباتات من كل العائلات من بستان وجنينة وغيط
طيط طيط طيط طيط
**********
يا سلام لما الزرعة الحلوة تنطق بالكلمة وبالغنوة وتقول للحلوين أنا جيت
طيط طيط طيط طيط
**********
جيت لكو بأخف الوجبات حواديت كلها معلومات بنوصلها لحد البيت
طيط طيط طيط طيط
**********
وتعيشنا ف أحلى خيال وتسمعنا حكم تتقال ماتقولشي ابدا لخابيط
طيط طيط طيط طيط
**********
حواديت فيها كمان البسمة حلوه خفيفة زي النسمة من غير دوشة ولا تخبيط
طيط طيط طيط طيط
**********
اسمعوا ياولاد يابناويت ياكبار يا صغار يا كتاكيت حواديت ولا كل الحواديت
طيط طيط طيط طيط
**********
تابع كتاب حواديت نباتية

الثلاثاء، 23 مارس 2010

ياما اتعلمت

* ياما اتعلمت
 ياما اتعلمت حاجـات وحاجات .. من الزراعــــة والنباتـــــات . 
********** 
اتعلمت ان اللي بيزرع .. لازم يوم يجني الثمرات . 
والثمرة الحلوة عشـــــان تطلع .. يلزم لهـــا جهد وأوقـــات . 
********** 
في الريف سمعت كلام يتقال .. مليان حكم و كتير أمثال . 
ماتقولش أبدا دا شيئ محال .. دا الزهر يطلع م الأبصال . 
بعد المطر ما تلقى رياح .. بعد التعب يرتاح البال . 
وكل شيئ في الكــــــــون دوار ... وكل ليـل من بعده نهــــــار . 
********** 
وسمعت ياما ف جو الريف . كلام جميل وبدم خفيف . 
مثل يقول ان الحداية ... مابترميش أبدا كتاكيت . 
والغربـــان ما تجيبش هدايــــا .. والفار عمره ما يزرع غيــــــط . 
********** 
وسمعت ياما كتير من شجرة . حكايات فيها مليون فكرة . 
شفت كمان في النخلة العالية . طباع جميلة وأخلاق عالية . 
عزة وصلابة مع الطيابــة ... مــــاتتوصفش بأي كتابــــــــــــة . 
********** واتعلمت كتير وكتير .. من البلابل والعصافير . 
إني مــــــــــــــاحبش أبقى أسير ... حتى ولــــــــــــو في قصر كبيـــر . 
*********** 
وعلمني حمام البنية ... حب الأوطان والوطنية . 
من غير مدرسة من غير كليــة ... ولا من نشيد ولا من أغنيــــــــــة . 
********** 
واتعلمت كتير م النحلة .. نظام لكل مدينة ودولة . 
فيــــــــها الايدين كلها شغالـة .. من غير كلام وعتــــاب وقوالــــة . 
********** 
 واتعجبت كتير من نملة .. ماشية وشايلة قدها رملة . 
قلت قوام سبحان الله ... ولقيت قلبي سمى وصلى . 
شفت النمل يساعد بعضة ... ما جابش خنفسا مرة تساعده . 
عــــــــارف أن مفيش غيـــــر إيده .. هي اللي حتساعده وحتفيــــده . 
********** 
شفت كمان بالميكروسكوب ... مخاليق تانية أمم وشعوب . 
خلايا حية رايحة وجاية ... والمترصصة زي الطوب . 
كلها بتقول للإنسان ... بص كمان دا الكون مليان . 
وما يبقاش نظــــــرك محــــدود ... دا العقــل ما بيعرفش حــدود . 
********** 
علمني زهر البستان .. التنسيق بين الألوان . 
والألوان مهما بتتخـــاصم .. تتصـــالح بادين فنــــان . 
********** 
واتعلمت من الصبار ... إن الجمال دا له أسرار . 
وشفت في زرع الصبار .. معاني أجمل م الأشعار . 
الصـــــــــــبر حـــــــلو مع الإصـرار .. لكنه ويا الضــــعف مرار . 
********** 
ولســــــــه باتعلم ف حاجات .. من الزراعـة والنباتـــــــات .